Don du côr - Poèmo pèr André Lagger

Sont pas a tè, les tios enfants.
Tè sont prétâs por un moment[1].
L’est dur[2] de les vêre partir.
Ben des viâjos, por lyors, tu vis.

Sovent, cél que l’at pou, balye[3] tot.
Cél que l’at bravament, recho, s’en fot.
Crê en la via, t’as tojorn[4] prôd.
Se tu vôs, tu pôs, mémo gox[5].

Le Bon Diô t’at bayiê[6] la via.
Dis-mè gouèro[7] t’as payâ[8] ?
Don du côr, veretâblo ben
Por lo comprendre, fôt du temps.

Coca[9] les arbros du vèrgiér.
Des fruits, sont pas les bèrgiérs.
Balyont sens grâva[10], por vivre.
Fés[11] la place por recêvre !

Un sorire côte chousa[12].
Sovent, vat[13] mielx qu’una rosa.
Le via l’est un don g.ènèrox.
Amar l’est balyér ; seye[14] herox !

T’es vegnu sens ren, nu, vês-tu !
Tu repartes sens ren, crês-tu ?
Quand vint l’hora de t’en alar,
Tu prends cen que t’as balyâ.

[1] una vouèrba, una pousa
[2] rudo
[3] done
[4] adés, tot lo temps
[5] grelu
[6] donâ
[7] comben, quant
[8] payê
[9] regârda, gouéte, agouéte, avise, lorgne
[10] greva, regrèt
[11] fâ
[12] pas una chousa, veya (= ren)
[13] vâlt
[14] sê